رفدونى من الشغل قال لى مبروك الرفد

ما يا إما أنا مجنون .. أو البابا ده مش مدرك معنى
 اللي بيقوله

أقوله رفدوني ... يقوم يقولي مبروك .. !!! مبروك علي ايه
+++===+++===+++===+++===+++===+++

رجل كان يعمل بوزارة السياحة في إحدى البواخر العائمة:

وهذا الرجل كان يعيش بمدينة الاسكندرية وكان له 5 أبناء
وحدث ذات يوم أنه تم فصله من عمله بدون سبب واضح  ..........  وبذلك فقد مصدر دخله الذي كان يعول به أسرته الكبيرة العدد

وشاءت العناية الالهية أن يذهب إلى دير مارمينا وكان قداسة البابا كيرلس موجوداً هناك ولما وصل عنده .... ركع تحت قدميه وكان يقول له :- رفدوني يا سيدنا من عملي وأنا صاحب 5 عيال ....... أعيش منين يا سيدنا

فرد عليه قداسة البابا بأغرب رد :- حلو ... يا ابني حلو ... مبروك مبروك
فتعجب الرجل وقال لسيدنا :- بقولك رفدوني يا سيدنا من عملي .............. وأنا صاحب عيال تقوم تقولي مبروك ....مبروك

فرد عليه قداسة البابا برد أعجب من الأول :- ما هما يا ابني رفدوك علشان ولادك ......... !!!
فقال الرجل :- يا سيدنا أنا كتبت إلتماس علشان يرجعوني الشغل تاني

فقال قداسته :- لا يا ابني أوعى ترجع تاني ..... مبروك مبروك
وخرج الرجل من عند البابا يضرب كفاً بكف ويقول :
إما أنا راجل مجنون ......... أو البابا ده مش مدرك معنى إل بيقوله

أقوله رفدوني .............. يقوم يقولي مبروك ............ !!!
أقوله طب وعيالي ........ يقوم ماهم يا ابني رفدوك علشان ولادك ...!!!

وبعد أسبوع صدقت تنبؤات البابا القديس وإذا بالجرائد تعلن عن نبأ غرق الباخرة التي كان يعمل عليها ومات جميع ركابها وطاقمها ........ !!!

وهنا أصيب بالدهشة ولم يصدق ما حدث وقال حقاً كان سيدنا صادقاً
وعاد لسيدنا في اليوم التالي لكي يعتذر له وفوجيء بسيدنا يقول له:-

ها............ آمنت يا توما إنهم رفدوك علشان خاطر ولادك
ولو كنت في الشغل كنت زمانك في خبر كان
سر الرب لخائـــــفيه ........... فليتمجــــــــد اســم الرب القــدوس

🙏🙏