شخصيات كتابيه شخصيه بصلئيل بن أورى

#شخصية_اليوم (1) شخصيات كتابيه

بصلئيل بن أوري
يمكن ناس كتير ما تسمعش عن بصلئيل او عدى اسمه عليها ومافرقش معاها تعرف عنه حاجة
تعالوا نشوف ايه حكاية بصلئيل
بصلئيل ابن أوري بن حور
وحور نلاقيه في وقت معركة بني إسرائيل مع عماليق وموسى واقف على الجبل وبيرفع ايديه ولما كان يرفع ايديه كان اسرائيل يغلب ولما كان يخفض ايديه من التعب كان عماليق يغلب فوقف هارون وحور وكل واحد مسك ايد وفضل موسى رافع ايديه لغاية ما انتهت الحرب بنصرة إسرائيل على عماليق
حور هو زوج مريم أخت موسى وهارون
هنلاقي بصلئيل في سفر  الخروج 31 :1-5
1 وَقَالَ الرَّبُّ لِمُوسَى: 2«اُنْظُرْ! قَدْ دَعَوْتُ بَصَلْئِيلَ بْنَ أُورِي بْنَ حُورَ مِنْ سِبْطِ يَهُوذَا بِاسْمِهِ 3وَمَلَأْتُهُ مِنْ رُوحِ اللهِ بِالْحِكْمَةِ وَالْفَهْمِ وَالْمَعْرِفَةِ وَكُلِّ صَنْعَةٍ 4لاِخْتِرَاعِ مُخْتَرَعَاتٍ لِيَعْمَلَ فِي الذَّهَبِ وَالْفِضَّةِ وَالنُّحَاسِ 5وَنَقْشِ حِجَارَةٍ لِلتَّرْصِيعِ وَنِجَارَةِ الْخَشَبِ. لِيَعْمَلَ فِي كُلِّ صَنْعَةٍ.
تخيلوا معاي واحد زي بصلئيل كان شغال ايه في خيمة الاجتماع؟
نجارة - حدادة - نقش على الذهب والنحاس - نحت - دباغة - خياطة - تطريز ... الخ
واحد زي ده موهبة غير طبيعية
طيب السؤال المهم؟
هل كرموا بصلئيل؟ لا
هل قالوله كلمة شكر؟ لا
هل اعطوله ملك في إسرائيل؟ لا
هل أي حد سمع عنه حاجة بعد ما خلص مهمته؟ لا
اذن تعالوا نتعلم من بصلئيل 3 صفات
1- الله دعاه باسمه والله هو اللي اكتشف موهبته
علشان كده لما يدعوك الله للخدمة ماتقولش انا معنديش مواهب
2- خدم في صمت دون تذمر
ما قالش ازاي هشتغل لوحدي ومحدش مساعدني
3- لم يطلب شكر أحد لانه يخدم رب الجنود
لا تنتظر كلمة شكر على خدمتك
صلوا من اجل السلسلة تستمر