شخصيات كتابيه شخصيه ليئه

#شخصية_اليوم (2)
ليئة

ليئة زوجة أبونا يعقوب أب الأباء
ليئة المرفوضة من أبيها واختها ومرفوضة من زوجها
تعالوا ندخل في أعماق حياتها ونشوف كام قاست في حياتها
أولا: اتحملت انها ضعيفة النظر - جمالها محدود - فاتها قطر الجواز
ثانيا: لما يعقوب سكن مع أبوها وشايفة بعينها حب يعقوب لراحيل وبرغم كده لما أبوها خدع يعقوب وزوجه ليئة سكتت
تخيلوا هيكون كلام راحيل ايه لليئة؟
- انتي اكيد السبب اللي قلتي لأبوي انك تتجوزي يعقوب
- انتي دايما بتغيري مني علشان انا احلى منك واصغر منك
- انتي قلبك اسود ودايما تاخدي اي حاجة في ايدي
ثالثا: ابوها يقولها هتدخلى على يعقوب بس لو سألك قولي انك راحيل
من جواها بتقول .. يااااااه هو انا رخيصة في نظر ابوي كده علشان يرميني وخلاص
رابعا: معاملة يعقوب لما عرف انها ليئة مش راحيل
وصلت لدرجة انه كرهها
لكن برغم كل ده تعالوا نشوف صفات في ليئة فاقت كل بنات جيلها
1- كانت مكروهة فالله أحبها
رأي الله ان ليئة مكروهة ففتح رحمها
ليئة ربنا اعطاها 6 أولاد ليعقوب وبنت من أصل 12 ولد وبنت
2- كانت صابرة فأكرمها
جه من نسلها يهوذا سبط الملوك اللي خرج منه الملوك
جه من نسلها لاوي سبط الكهنة
وجه من نسلها المسيح
3- كانت ترضى بالقليل فالله اعطاها بسخاء
يعقوب احب راحيل وخدم علشان خاطرها 14 سنة
وراحيل باعته بشوية لفاح من الحقل
لما رأوبين كان جاي بشوية لفاح من الحقل ولما قارنت انها تاخد يعقوب ولا اللفاح اختارت اللفاح
يا خسارة حب وتعب 14 سنة!!
ياريت نتعلم من ليئة مهما كنت مكروه أو مكروهة الله يعلم اللي في قلبك
لو كنتي مش جميلة الله هو تاج جمالك
لو كنتي منبوذة من الكل تذكري ان الله هو قاضي عادل ويعطي بسخاء ولا يغير
صلوا من أجل السلسة تستمر