قصه بطتين بلدى

بطتين بلدى....

       🔸لقيت ست قاعدة ع الأرض ... 🦆🦆
حاطة قدامها قفص وعليه بطتين بلدي .. أيوة بطتين ٢ بالعدد و كانوا كبار شوية 🦆🦆
أنا مش بحب البط الكبير فقولت لها :
       عاوزة بط أصغر شوية من فضلك ..

🔹قالتلي :
       مفيش غير دول

🔸قولت لها :
       خسارة يمكن لو كنت جيت بدري شوية كنت لقيت حاجة تاني ...

🔹راحت مدارية وشها ومعيطة 😢 ....

🔸ليه يا أمى بتعيطي ..
أنا أسفه ما أقصد حاجة وحشة ....

 🔹قالت  :
       أصل لو كنتي جيتي الصبح بدري كنتي برضه هتلاقيهم دول هما هما
🙇🏼‍♀ أنا قاعدة كده من بعد الفجر وأنا مش بياعة ...
▪دول كنت مربياهم بقالي ٥ شهور علشان اوكلهم للعيال
▪ولما راحوا المدرسة بهدومهم وشنطهم القديمة اتكسفوا من صحابهم ورجعوا مكسورين الخاطر ودبلانين
▪صحيتهم الفجر وسألتهم :
اجيبلكم لبس وشنط ولا تاكلوا البط؟
▪قالولي 😔 البس والشنط
▪فطلعت ع السطح جبت البطتين واستأذنت صاحب المحل ده اقعد قدامه ابيعهم واروح 🦆🦆
▪وكل اللي يعدي يخفس بيهم الأرض وخايفة يموتوا من الحر .... والعيال لا تأكل ولا تتعلم. ...

🔸 قولت لها :
       عاوزه فيهم كام؟

🔹قالتلي :
       الواحدة ب ٧٠ جنيه
ودول تربية بيتي وبلدي
والواحدة ترمي يجي ٢ كيلو لحم. .... بس بالله عليكى ما تفاصلى فيهم

🔸قولت لها :
       طيب انا مش بعرف ادبح ممكن تدبحيهم وتنضفيهم ...
واديتها ٢٠٠ جنيه وقولتلها  هجيلك بعد شوية
بس هجيب حاجة واجيلك ....

🔹فرحت جدا وقالتلي :
 حاضر هدبحهم عند الفرارجي اللي ع الناصية واستناكى بس متتأخريش عليا

🔸طلعت جري
🖊🖋📒📔📚
▪اخدتلها شنطتين وشوية أدوات دراسية واخدت فلوس زيادة ونزلت جري برضو
▪اشتريت شوية خضار وسمنة وزيت ورز 🍌🍋🍊🍎🍆🍅🥕🥒
▪ورجعت لها لقيتها ماسكه كيس فيه البط وفرحانه قوي😊
▪اديتها الحاجة وقولتلها روحي اطبخي البطتين للعيال

🔹قالت :
       دول بتوعك

🔸قولتلها :
       ما انا قولتلك من الأول مش بحب البط الكبير
😇 عيطت وقعدت تدعيلي

👨🏻‍🦰بعدها خرج صاحب المحل اللي مراقب الموقف كله من أوله. .... قالها مش قولتلك ربك موجود 🙏🏻
مشيت وهي في منتهي السعادة بعد لما اديتها رقمي
🙋🏼 وقفت شويه ابصلها وهي بتبعد ....

👨🏻‍🦰صاحب المحل بصلي وقالي :
       عرضت عليها الصبح فلوس .... رفضت سيبتها تقعد وكل شوية أطل عليها وصدقيني كان في نيتي اديها تمنهم بس عفتها منعتني ولما شوفتك طولتى معاها. ..دخلت صليت🙏🏻 ودعيت🙏🏻 ان ربنا يحنن  قلبك عليها
والحمد لله ..... استجاب

 اؤمن اؤمن اؤمن انك تستجيب لصلواتنا يا الله
              🙏🙏

ربنا يحنن قلوبنا على بعض

       *" إذا رأيت البؤس على وجه أخيك .. دعه يرى الرحمة على وجهك "*

🌹 *الرب* 💔 *قريب*🌹 قريب ❤️  لمن يدعو 🌹
#منقول#