حضن يسوع. Bosom of Jesus

 الطفل اللى فـ الصورة ده صينى إسمه ( chen xiaotian )  ( تشن ) عنده 7 سنين و دى والدته عندها 43 سنة .. والدته جالها فشل كلوى مزمن و فـ نفس الوقت تقريباً ( تشن ) جاله سرطان فـ المخ .. الاتنين حالتهم ساءت جداً بالتوازى مع بعض واتحجزوا فـ نفس المستشفى .. ( تشن ) كان بيتحامل ع نفسه جوه المستشفى وبيزور أمه فـ أوضتها وهى كمان .. فجأة حالة ( تشن ) إتدهورت والدكاترة قالوا إن كلها مسألة أيام قليلة ويموت ! .. الولد طلب من أمه والدكتور إنه يتبرع لها بـ كليته لأنه كده كده ميت .. الأم رفضت .. الولد أتعمى وجاله شلل وكان ع مشارف غيبوبة .. قعد يبكى بهستيريا عشان يوافقوا ع طلبه وينقلوا كليته لـ أمه وقالها ( أرجوكى أرجوكى أريد أن أنقذ حياتك ) .. الأم رفضت .. الدكاترة ضغطوا عليها وقالولها إنها مسألة ساعات وهيموت ولازم يكونوا مستعدين عشان ينقلوا لها كليته و ع الأقل ينقذوها هى .. الأم فـ وسط الإختبار الصعب ده شافت إن وجود جزء من إبنها فـ جسمها ممكن يعوضها شوية عن غيابه .. وافقت وخدوا إقرار منها بكده .. مات ( تشن ) ونقلوا كليته لـ أمه وإتفاجأت الأم إنه الولد كان طلب من الدكتور بدون مايقولها إنه يتبر...

 كنت بفكر دايما فى معنى الجزء الموجود فى مزمور ٢٣ اللى بيقول “ مسحت بالدهن رأسى…” وكنت فاكر ان المعنى رمزى وقصد ان ربنا عايزنا فى حالة كويسة او صحة جيدة. وعمرى ما فكرت ان ممكن يكون معناه حاجه تانية، لحد لما اكتشفت ده بعدين… وطلع الموضوع له قصة…. الخرفان مُعرضين دايما ان فروة راسهم تشبك فى الشوك و هما ماشيين و ممكن كمان يموتوا وهما بيحاولوا يفكوا نفسهم من ده كمان بعض الحشرات بتضع البيض بتاعها قريب من فتحات الانف او العيون اوالاذن و البيض ده بيتحول لديدان و بيدخل الخروف فى حالة جنان و بتخليه ممكن يخبط راسة فى صخر واحيانا ممكن يموت كمان وهو بيحاول يتخلص من الحالة دى…… فكان دايما الرعاه بيدهنوا راس الغنم بالزيت وده بيعمل طبقة عازله و بيحمى الخروف من كل المشاكل دى وبتخليه يعيش فى سلام و هدوء……….. هل عشت اوقات من الصرعات الذهنيه اللى عذبتك؟ هل الافكار المقلقة لسة بتهاجم ذهنك؟ عمرك طلبت من الله انه يدهن راسك بالزيت؟ هو عنده امداد كبير لك …. الزيت اللى عنده يقدر يحميك ويشفى قلبك وعقلك ويخلى عينك عليه على طول،،، لك سلام من عنده…باصلى ان الله يمسح راسك بالزيت لحد م كأسك يتملى و يفيض ( كأسى ر...