تضحية تشن الطفل الصينى لا تنسي

 الطفل اللى فـ الصورة ده صينى إسمه ( chen xiaotian )

 ( تشن ) عنده 7 سنين و دى والدته عندها 43 سنة .. والدته جالها فشل كلوى مزمن و فـ نفس الوقت تقريباً ( تشن ) جاله سرطان فـ المخ .. الاتنين حالتهم ساءت جداً بالتوازى مع بعض واتحجزوا فـ نفس المستشفى .. ( تشن ) كان بيتحامل ع نفسه جوه المستشفى وبيزور أمه فـ أوضتها وهى كمان .. فجأة حالة ( تشن ) إتدهورت والدكاترة قالوا إن كلها مسألة أيام قليلة ويموت ! .. الولد طلب من أمه والدكتور إنه يتبرع لها بـ كليته لأنه كده كده ميت .. الأم رفضت .. الولد أتعمى وجاله شلل وكان ع مشارف غيبوبة .. قعد يبكى بهستيريا عشان يوافقوا ع طلبه وينقلوا كليته لـ أمه وقالها ( أرجوكى أرجوكى أريد أن أنقذ حياتك ) .. الأم رفضت .. الدكاترة ضغطوا عليها وقالولها إنها مسألة ساعات وهيموت ولازم يكونوا مستعدين عشان ينقلوا لها كليته و ع الأقل ينقذوها هى .. الأم فـ وسط الإختبار الصعب ده شافت إن وجود جزء من إبنها فـ جسمها ممكن يعوضها شوية عن غيابه .. وافقت وخدوا إقرار منها بكده .. مات ( تشن ) ونقلوا كليته لـ أمه وإتفاجأت الأم إنه الولد كان طلب من الدكتور بدون مايقولها إنه يتبرع بـ كليته التانية لـ مريضة فشل كلوى مزمن كانت فـ الأوضة اللى جنب أمه عندها 21 سنة و كمان بـ جزء من كبده لـ مريض كبد عنده 27 سنة كان إتعرف عليه برضه فـ المستشفى كان محتاج زراعة كبد وأنسجته متوافقة معاه ! .. وافقت الأم و هى منهارة وكتبت إقرار بكده .. حصل والدكتور نفذ الوعد .. ( تشن ) مات فـ 2 إبريل وبسببه عاش 3 .. أمه + واحدة و واحد ميعرفهمش !

الولد كان عنده 7 سنين .. امتى لحق يتعلم كم التضحية ده ! .. امتى خطط وهو فـ وسط المرض والتعب واتفق مع الدكتور ع الحاجات دى ! .. 7 سنين ! .. إستجمع منين قوة وشجاعة وذهن لـ كده ! .. والله التضحية والرحمة ملهاش علاقة لا بـ بلد ولا بـ دين ولا بجنسية ولا بنوع ولا بـ سن .. لها علاقة بس بـ إن اللى قدامك ده اتربى يكون إنسان 

ليس حب أعظم من هذا أن يضع أحد نفسه لاجل أحبائه